سه‌ره‌تا ئامۆژگاریه‌ك: بێگومان نوێژ پله‌و پایه‌یه‌كى زۆر گه‌وره‌و گرنگى هه‌یه‌ له‌ئیسلامدا، زیاتر له‌په‌رستشه‌كانى تر, وه‌ ئه‌نجامدانى له‌كاتى خۆیدا خۆشه‌ویست ترین كاره‌ به‌لاى خواى گه‌وره‌وه‌, هاوه‌ڵى خۆشه‌ویست عه‌بدوڵڵاى كورِى مه‌سعود (خواى لىَ رِازى بێت) ده‌فه‌رمووێت: پرسیارم كرد له‌ پێغه‌مبه‌رى خوا (صلى الله عليه وسلم) كام كرده‌وه‌ له‌ هه‌موویان گه‌وره‌ترو چاكتره‌و خۆشه‌ویستره‌؟ ئه‌ویش فه‌رمووی: (الصلاة لوقتها) رواه البخاري , واته‌: نوێژ له‌كاتى خۆیدا،
بۆ وه‌ڵامى پرسیاره‌كه‌ت: ( نه‌خێر ) نابێت به‌ڵكو پێویسته‌ هه‌موو نوێژێكى فه‌رز له‌كاتى خۆیدا ئه‌نجام بدرێت, چونكه‌ خواى گه‌وره‌ فه‌رموویه‌تى:(إن الصوة كانت على المؤمنين كتبا موقوتا)(النساء 103). واته‌: به‌رِاستى نوێژ له‌سه‌ر باوه‌رِداران فه‌رزه‌و كاتێكى دیارى كراوى هه‌یه‌ .
به‌رِێز/ م. ابو بكر احمد وه‌لاَمى داوه‌ته‌وه‌ ژ.م 07701929373