سه‌له‌فى چى ئه‌ى دارده‌ستى عه‌لمانى
سه‌له‌فى چى ئه‌ى دارده‌ستى عه‌لمانى ، بوَ خه‌ریكه بیرى ئه‌م گه‌نجانه تێك ئه‌ده‌ن ئێوه ئه‌ڵێن برِوامان به حزبایه‌تى نیه ئه‌ى ئه‌م(عبدالكریم) و( عبداللطیف) تان له چیه؟
و/ السلام علیكم ورحمه الله وبركاته..
برِوابوون یان برِوانه‌بوون به‌هه‌ربابه‌ت وقسه‌وكردارێك لاى پێشه‌وایان وهه‌واداران وشوێنكه‌وتوانى مه‌نهه‌جى پاكى سه‌له‌فى په‌یوه‌سته به‌هه‌بوون یان نه‌بوونى به‌ڵگه‌ى قورئان وسوونه‌ت له‌سه‌رئه‌وبابه‌ته...ئه‌گه‌ربه‌ڵگه هه‌بوو ئه‌وابرِوایان پێیه‌تى وبانگه‌وازیشى بۆده‌كه‌ن وقوربانیشى له‌پێناودا ده‌ده‌ن وله‌لۆمه‌ى هیچ لۆمه‌كارێكیش ناترسن له‌هه‌مووكات وساتێكدا وه‌له‌هه‌موو شوێن وپێگه‌یه‌كدا وه‌له‌هه‌موو بارودۆخ وسه‌رده‌مێكدا ...ئه‌گه‌ربه‌ڵگه‌ى قورئان وسوونه‌تیش نه‌بوو ئه‌وه برِوایان پێى نییه ونه‌هى لىَ ده‌كه‌ن وخه‌ڵكى وموسڵمانانى لىَ ئاگادارده‌كه‌نه‌وه ...له‌به‌رئه‌وه‌ى پارچه‌پارچه‌كردنى موسڵمانان ودابه‌ش كردنیان به‌سه‌رچه‌ند حزب وكۆمه‌ڵ ورِیكخراوێكدا به‌ڵگه‌ى قورئان وسوونه‌تى له‌سه‌رنییه كه رِێگه به‌م كاره بدات ،به‌ڵگوبه‌ڵگه‌هه‌یه كه رِێگرى له‌م كاره ده‌كات ..له‌به‌رئه‌وه موسڵمانانى سه‌له‌فى حزبایه‌تى وپارچه‌پارچه‌كردنى موسڵمانان به‌نادروست ده‌زانن ونه‌هى لىَ ده‌كه‌ن وخه‌ڵكیشى لىَئاگادارده‌كه‌نه‌وه..وه‌له‌به‌رئه‌وه‌ى خواى گه‌وره داواده‌كات هه‌موو موسڵمانان له‌یه‌ك حزب وكۆمه‌ڵدا كۆببنه‌وه‌و داواده‌كات موسڵمانان فره حزب نه‌بن ..له‌به‌رئه‌وه موسڵمانانى سه‌له‌فى هه‌مووموسڵمانان بانگ ده‌كه‌ن بۆكۆبوونه‌وه له‌سه‌رپه‌یرِه‌ودارى بۆمه‌نهه‌جى سه‌له‌فى بۆئه‌وه‌ى ببنه‌وه به‌یه‌ك كۆمه‌ڵ له‌ئه‌نجامى په‌یرِه‌ودارییان له‌مه‌نهه‌جى پاكى سه‌له‌فى (مه‌نهه‌جى سه‌حابه‌و تابعین وتابعى تابعین)هه‌روه‌ك چۆن له‌پێشتردا موسڵمانان یه‌ك ده‌ست ویه‌ك كۆمه‌ڵ بوون له‌ئه‌نجامى په‌یرِه‌ودارییان له‌مه‌نهه‌جى سه‌له‌فى ...له‌به‌رئه‌وه فره‌حزبى لاى موسڵمانانى سه‌له‌فى ره‌تكراوه‌وزه‌مكراوه ،وه‌خه‌ڵك بانگ كردن بۆكۆبوونه‌وه له‌ناویه‌ك كۆمه‌ڵدا كه‌خواپىَى رِازییه ئه‌ركى سه‌ره‌كى هه‌موو بانگخوازێكى سه‌له‌فى ییه له سه‌رانسه‌رى جیهاندا...
سه‌باره‌ت به‌هه‌ردوو به‌رِێزان :((م.عبدالكریم - م. عبداللطیف))..ئه‌م دوو مامۆستایه ..دوومامۆستای سه‌له‌فین له‌كوردستان وه‌كو باقى مامۆستاكانى ترى سه‌له‌فى له‌كوردستان ..ئه‌وان نه‌پێشه‌واى هیچ حزبێكن نه‌سه‌رۆكى هیچ كۆمه‌ڵێكن ..به‌ڵكو دوومامۆستایى به‌رِێزن وخاوه‌ن وه‌رع وزانستى به‌سودى ئیسلامین وبانگخوازێكى دڵسۆزوبه‌ئه‌مه‌كى رِاستگۆن بۆئه‌ومه‌نهه‌جه پاكه..نه‌ئه‌وان خۆیان به‌پێشه‌واى هیچ كۆمه‌ڵێك ده‌زانن نه‌خه‌ڵكیش ئه‌وان به‌پێشه‌واى هیچ كۆمه‌ڵێك ده‌زانن..تائه‌وكاته موسڵمانانى سه‌له‌فى له‌كوردستان گوىَ بۆقسه‌ى ئه‌وان ومامۆستایانى ترى سه‌له‌فى ده‌گرن تائه‌وان قسه‌وكرداریان پشت ئه‌ستووربوو به‌قورئان وسوونه‌ت به‌تێگه‌شتنى پێشینى ئوومه‌ت ..هه‌ركات لایاندا فه‌رامۆش ده‌كرێن هه‌روه‌كوچۆن كه‌سانى تر به‌ناوبانگترله‌وان فه‌رامۆش كرا ..كه‌واته براكه‌م بزانه موسڵمانانى سه‌له‌فى شوێنكه‌وته‌ى به‌ڵگه‌ى قورئان وسوونه‌تن نه‌ك شوێنكه‌وته‌ى كوێرانه‌ى شه‌خسێك یان لایه‌نێكى دیارى كراو...
به‌رِێز/ سه‌رپه‌رشتیارى ماڵپه‌ر وه‌لاَمى ئه‌م پرسیاره‌ى داوه‌ته‌وه..
١٠٢٧
٦٩٠٩٨٩