شه‌رم كردن سیفه‌تێكى زۆر جوانه‌ به‌تایبه‌تى بۆئافره‌ت وه‌ شه‌رم وحه‌یا به‌شێكه‌ له‌ ئیمان ، پێغه‌مبه‌ر (صلى الله علیه‌ وسلم) فه‌رموویه‌تى (الحیاء شعبة‌ من الإیمان) صحیح الجامع 2801. هه‌روه‌ها فه‌رموویه‌تى ( إن الحیاء والإیمان قرنا جمیعا فإذا رفع أحدهما رفع الأخر) صحیح الجامع 1603 واتا ( شه‌رم وحه‌یاوباوه‌رِ پێكه‌وه‌ن، ئه‌گه‌ر یه‌كێكیان نه‌ما ئه‌وى تریش نامێنێت ) وه‌فه‌رمویه‌تى ( إن لكل دین خلقا ، وإن خلق الإسلام الحیاء) ێحیح الجامع 2149 واتا (هه‌موو دینیك رِه‌وشتى خۆى هه‌یه‌ ، رِه‌وشتى دینه‌كه‌ى منیش شه‌رم وحه‌یایه‌). وه‌ فه‌رموویه‌تى ( الحیاء خیر كله) صحیح الجامع 3196 واتا (شه‌رم وحه‌یا هه‌مووى خێرو چاكه‌یه‌). وه‌ چه‌نده‌ها فه‌رمووده‌ى تر له‌سه‌ر فه‌زلى شه‌رم وحه‌یا ، بۆیه‌ ده‌بێت سوپاسى خواى گه‌وره‌ بكه‌یت كه‌ ئه‌و شه‌رم وحه‌یایه‌ى پێ به‌خشیویت ،وه‌ پارێزگارى لێ بكه‌یت نه‌ك به‌ دواى شتێكدا بگه‌رِێت بۆئه‌وه‌ى شه‌رم نه‌مێنێت ، وه‌ دروست نییه‌ له‌گه‌ڵ پیاوى نامه‌حره‌م قسه‌ بكه‌یت ، مه‌گه‌ر بۆكارێكى گرنگ خۆت بپارێزه‌ له‌ تێكه‌لاَو بوون به‌ پیاوانى نامه‌حره‌م.
به‌رِێز/ م.صلاح الدین عبدالكریم وه‌لامى داوه‌ته‌وه‌ ژ.م 07701207979