مامۆستاگیان ئایا به‌چیدا حه‌دیسی زه‌عیف و صه‌حیح له‌یه‌ك جیابكه‌ینه‌وه؟؟
مامۆستاگیان ئایا به‌چیدا حه‌دیسی زه‌عیف و صه‌حیح له‌یه‌ك جیابكه‌ینه‌وه؟؟
جیاكردنه‌وه‌ى حه‌دیسى صه‌حیح له حه‌دیسى زه‌عیف كارێكى زۆر موباره‌كه، وه بۆ ئه‌م كاره زانایان كۆمه‌ڵێك بنه‌ماو بنچیینه‌یان داناوه وه‌ك ئه‌وه‌ى ده‌بێ پێنچ مه‌رج له حه‌دیسێكدا كۆببێته‌وه ئه‌و كاته ده‌توانرێت به‌و حه‌دیسه بوترێ صه‌حیحه ئه‌و مه‌رجانه‌ش:
1- ئه‌بێت سه‌نه‌ده‌كه‌ى (متصل)بێ واتا بچرِاوى تێدا نه‌بێت.
2-ده‌بێت ئه‌و كه‌سانه‌ى فه‌رمووده‌كه ده‌یگێرِنه‌وه عادلبن ودادپه‌روه‌ربن (فاسق نه‌بن)
3- خاوه‌ن زه‌بتبێ به‌وه‌ى شتی له‌بیر نه‌چێ هه‌ركات داواى لێكرا وه‌ك خۆى بیگیرِێته‌وه بێ كه‌موكورِى.
4-ده‌بێت ئه‌و حه‌دیسه شاز نه‌بێ، واتا ریوایه‌ته‌كه پێچه‌وانه‌ى ریوایه‌تى كه‌سانێكى (مقبول)تر نه‌كات.
5-وه ده‌بێت عیلله‌ت دارنه‌بێت، به‌وه‌ى له روو كه‌شی سه‌نه‌ده‌كه كێشه‌ى نه‌بێت به‌لام كه فه‌رمووده‌ناسێكى رۆچوو له‌زانستدا لێی ده‌كۆڵێته‌وه بۆى ده‌ر ده‌كه‌وێت كه عیلله‌تێكى شاراوه‌ى له‌كه‌داركه‌ری تێدایه.
وه ئه‌م جیاكردنه‌وه‌یه زانایانى فه‌رمووده‌ناسانى شاره‌زا ئه‌م بواره ده‌توانن برِیار له‌سه‌رئه‌و حه‌دیسه بده‌ن كه صه‌حیحه یان نا، وه زانایانى كۆن و تازه هه‌ستاون به‌م كاره پیرۆزه وه‌ك ابن حجرو زه‌یله‌علی له كۆنه‌كان وه وه‌كو ئه‌لبانی و مقبل الوادعی له تازه‌كان رِه‌حمه‌تى خودایان لێ بێت كه بۆئه‌م ئوممه‌ته‌یان رِوون كردۆته‌وه، وه‌ئه‌گه‌ر تۆ ده‌ته‌وێت كه‌ڵك وه‌ربگرى برِوانه نصب الرایة للزیلعى والسلسة الصحیحة والضعیفة وارواء الغلیل للألبانى.
وه باشترین كتاب كه تۆ سودى لێ وه‌ربگریت (صحیح وضعیف الجامع الصغیر)ى هى زاناى گه‌وره‌ى فه‌رموده‌ناسى سه‌رده‌م شێخ ئه‌لبانیه ره‌حمه‌تى خوداى لیبێ.
به‌رێز/ م.كامران خالد وه‌لامى داوه‌ته‌وه ژ.م 07701495535
٢٠٢٠
٦٩٣٦٢٩