من كه‌سێكم له ئینترنێت ده‌عوه ده‌كه‌م به‌ڵام له‌گه‌ڵ ئه‌وه‌ش هه‌ندێك جار تووشى بینینى سایتى به‌دره‌وشتى ده‌بم به‌ڵام زۆر هه‌وڵمداوه ته‌ركى بكه‌م . كاتێك بۆ ماوه‌یه‌ك ته‌ركى ده‌كه‌م دواتر ده‌گه‌رێمه‌وه سه‌رى ..............
من كه‌سێكم له ئینترنێت ده‌عوه ده‌كه‌م به‌ڵام له‌گه‌ڵ ئه‌وه‌ش هه‌ندێك جار تووشى بینینى سایتى به‌دره‌وشتى ده‌بم به‌ڵام زۆر هه‌وڵمداوه ته‌ركى بكه‌م . كاتێك بۆ ماوه‌یه‌ك ته‌ركى ده‌كه‌م دواتر ده‌گه‌رێمه‌وه سه‌رى , ئایه حوكمى ئیسلام له‌باره‌ى ئه‌و كاره چی یه؟؟
ده‌عوه‌كردن كارێكى پیرۆزو به‌سوده‌و واجبى سه‌رشانى هه‌موومانه ، پێویسته هه‌ریه‌كه‌مان له‌لایه‌ن خۆیه‌وه به‌وكاره پیرۆزه هه‌ڵبسین وبه‌ئه‌ندازه‌ى عیلم و زانیاریمان خه‌ڵك وموسڵمانان بانگ بكه‌ین بۆچاكه‌و دووریان بخه‌ینه‌وه له خراپه‌و فیتنه، به‌لام بۆئه‌وه‌ى ده‌عوه‌كه‌مان پرِبه‌ره‌كه‌ت وبه‌سود بێت ده‌بێت نییه‌تمان بۆخوا بێت و موافقى شه‌رعى خوابێت و له‌پێشدا خۆمان جێ به‌جێیان بكه‌ین پاشان به‌خه‌ڵكى رِابگه‌یه‌نین ... بۆیه‌ئامۆژگاریت ده‌كه‌ین بۆ وازهێنان له ئینته‌رنێت وفه‌رامۆشكرنى ، وه گواستنه‌وه‌ى مینبه‌رى ده‌عوه له‌ئینته‌رنێته‌وه بۆشوێنێكى تر كه‌باشتروچاكتربێت له‌ئینته‌رنێت ، چونكه تۆ له‌ئینته‌رنێت ناتوانى ده‌عوه بكه‌یت وزاڵ نیت به‌سه‌رخۆتدا وله‌بیرت چۆته‌وه كه شه‌یتان ده‌عوه‌ت ده‌كات وبۆ ته‌ماشاكردنى ئه‌فلامى به‌درِه‌وشتى وئه‌خلاق رِووخێن تۆش ئیستجابه‌ت بۆى هه‌یه وگوێرِایه‌ڵیت بۆفه‌رمانه‌كانى .. بۆیه ده‌عوه‌كه‌ت بێ سوده‌و كات كوشتنه ، كه‌ى توانیت به‌سه‌رخۆتدا زاڵبیت ئه‌و كات ده‌عوه بكه ، تۆ له‌ئێستادا هه‌وڵده ده‌عوه‌نه‌كرێت نه‌ك ده‌عوه بكه‌یت ، چونكه توشى تاوانێكى زۆر قێزه‌ون وخویه‌كى زۆرخراپ بوویته كه ته‌ماشاكردنى ئه‌فلامى بێ ئه‌خلاقی وئه‌خلاق رِووخێنه.. خواى گه‌وره تۆ وسه‌رجه‌م موسڵمانان له‌شه‌رِو فیتنه‌ى ئینته‌رنێت بپارێزێت ..اللهم امین
به‌رِێز/ سه‌رپه‌رشتیارى ماڵپه‌رِ وه‌لامى داوه‌ته‌وه.
٢١٠٨
٦٧٩٨٣٨