رِیش هێشتنه‌وه‌ بۆ پیاوان واجبه‌ ، پێوسته‌ پیاوى موسڵمان پارێزگارى له‌و واجبه‌ بكات وخۆى نه‌شوبهێنێت به‌ ئافره‌تان به‌وه‌ى رِیش وشواربى بتاشێت وخۆى وه‌كو ئافره‌ت لێ بكات كه‌ رِیش وشواربیان نییه‌ ، نابێت به‌بێ هیچ عوزرێك پیاوى موسڵمان ده‌ستكارى بكات وبیتاشێت ، ئیلا مه‌گه‌ر كارێكى زۆر پێویستى بۆجێ به‌جێ نه‌كرێت له‌وانه‌ ئیش وكارى دائیره‌و ئیشى معاملات كه‌ئه‌گه‌ر رِیشت هه‌بێت كاره‌كه‌ت بۆناكه‌ن وپه‌كى ده‌خه‌ن ، تۆش له‌وكاتانه‌دا به‌ئه‌ندازه‌ى رِاپه‌رِاندنى كاره‌كه‌ت ده‌توانى رِیشت كورت بكه‌یته‌وه‌ یاخود بیتاشیت ، به‌لاَم هه‌ركات ئیشوكارت ته‌واوبوو ده‌بێت وه‌كو پێشتر شوێنكه‌وته‌بیت بۆشه‌رع ورِیش بهێڵیته‌وه‌، سه‌باره‌ت به‌مه‌كته‌ب وخوێندنگه‌كان وابزانم ئازادى ته‌واو دراوه‌ به‌خوێندكار بۆ پۆشینى حیجاب وله‌چك بۆئافره‌تان وهێشتنه‌وه‌ى رِیش وپۆشاك كورتى بۆپیاوان ، له‌حاله‌تێكیشدا ئه‌گه‌ر به‌رِیوه‌به‌رى خوێندنگه‌یه‌ك به‌زۆر ودوور له‌ رِێنماییه‌كانى وه‌زاره‌تى په‌روه‌رده‌ برِیارێكى له‌و شێوازه‌ ده‌ربكات ئه‌وكات خوێندكار ده‌بێت سكالاَى یاسایى له‌ دژى ئه‌و به‌رِێوه‌به‌ره‌ بكات ولایه‌نى په‌یوه‌ندیدارى لێ ئاگاداربكرێته‌وه‌ بۆئه‌وه‌ى ئازادى خوێندكار زه‌وت نه‌كات ورِێگرى نه‌كات له‌ دیندارى وپه‌یوه‌ست بوون به‌ بنه‌ماكانى دینه‌كه‌یه‌وه‌ .. ئه‌گه‌ر به‌رِیوه‌ربه‌ر به‌ ویستى خۆى ئه‌و فه‌رمانه‌ى ده‌ركربوو وه‌ سكالاش له‌دژى سودى نه‌بوو ئه‌وه‌ پێویسته‌ ئه‌و مه‌كته‌به‌ به‌جێ بهێڵیت وبچیت بۆمه‌كته‌بێكى تر تابه‌ئازادى بتوانیت دیندارى بكه‌یت وسه‌ربه‌رزانه‌ ده‌ست بگریت به‌بنه‌ماكانى شه‌رعه‌وه‌..
به‌رِێز/ سه‌رپه‌رشتیارى ماڵپه‌رِ وه‌لامى داوه‌ته‌وه‌.