به‌پێى ووته‌ى زانایانى ئاینى له‌م رِۆژگاره‌دا (خیمار) واجبه به‌هۆى خراپى زه‌مانه‌وه باشه ئه‌گه‌ر ئافره‌ت خیمارى كرد ئه‌توانى له‌به‌رده‌م كورِه پور وكورِه خاڵو كورِه مامو شوبرایه ده‌موچاوى مه‌كشوف بێت ........
به‌پێى ووته‌ى زانایانى ئاینى له‌م رِۆژگاره‌دا (خیمار) واجبه به‌هۆى خراپى زه‌مانه‌وه باشه ئه‌گه‌ر ئافره‌ت خیمارى كرد ئه‌توانى له‌به‌رده‌م كورِه پور وكورِه خاڵو كورِه مامو شوبرایه ده‌موچاوى مه‌كشوف بێت یان له‌كاتى مامه‌ڵه‌دا بۆرِه‌سمى فۆتۆ یان له‌كاتى سه‌فه‌ركردندا ده‌بێت ده‌م وچاوى ده‌ربخات بۆئه‌و كه‌سه‌ى كه سه‌یرى جه‌واز ئه‌كات ئه‌مانه تا چ ئاستێك رێى پێ دراوه تكایه به‌شێوه‌یه‌كى زۆر رِوون وه‌لاَمه‌كه‌یم بۆبنێرن...
خیمار به‌و پارچه قوماشه ده‌وترێت كه ئافره‌تان سه‌رو مل و به‌رۆكی خۆیانى پێداده‌پۆشن، واته: له‌چكێكى فراوان كه سه‌رو قژو گه‌ردنى ئافره‌ت داده‌پۆشێت ، كردنى ئه‌م له‌چك و خیماره به‌م شێوه‌یه واجبه، له‌به‌ر ئه‌وه‌ى سه‌رو مل و قژى ئافره‌تان عه‌وره‌ته بۆیه داپۆشینى واجبه، خواى گه‌وره ده‌فه‌رموێت ((وَلْيضرِبْنَ بخُمُرِهِنَّ عَلى جُیُوبِهِنَّ)) واته: با ئافره‌تانى باوه‌ردار له‌چكه‌كانیان بده‌ن به‌سه‌ر سنگ و به‌رۆكیاندا.
نیقاب : به‌و پارچه په‌رۆیه ده‌وترێت كه ئافره‌تان ده‌م و چاوی خۆیانى پێداده‌پۆشن، واته: نیقاب داپۆشینى ده‌م و چاوه، جا زانایان خیلافیان له داپۆشینى ده‌م و چاو بۆ ئافره‌تان (نیقاب) كردن:
1- هه‌ندێكیان ده‌ڵێن واجبه، هه‌روه‌كو له مه‌زهه‌بی ئیمامى شافعی و ئیمام احمددا هاتووه، چونكه ده‌لین ده‌م و چاوى ئافره‌ت عه‌وره‌ته، بۆیه داپۆشینى واجبه له به‌رامبه‌ر پیاوانى بێگانه‌دا، وه هه‌روه‌ها شیخ الاسلام ئیبن و ته‌یمیه ئه‌م رایه‌ى به په‌سه‌ند زانیوه.
2- هه‌ندێكیان ده‌ڵێن سوننه‌ته هه‌روه‌ك له مه‌زهه‌بی ئیمامى مالك و ئیمام ابوحنیفه‌دا هاتووه، وه ئه‌وانه‌ى كه ده‌ڵێن سوننه‌ته ده‌ڵێن له كاتى فیتنه و تاوان زۆریدا واجبه،
3- كورِه پور وكورِه خاڵو كورِه مام و شوبرا حیسابی بێگانه‌و نامه‌حره‌میان بۆ ده‌كرێت بۆیه له‌به‌ر چاوى ئه‌وانیش دروست نییه ئافره‌ت نیقاب دابنێت له‌سه‌ر بۆچونى ئه‌و زانایانه‌ى كه ده‌ڵێن واجبه.
4- ئه‌گه‌ر ئافره‌تێك مامه‌ڵه‌ى جنسى و جه‌واز سه‌فه‌ر و ئه‌و مامه‌ڵانه‌ى كه زۆر گرنگی ژیانه بۆی نه‌كرا، ئه‌و كات تاوانبار نابێت ان شاءالله ئه‌گه‌ر نیقاب نه‌كات تا كاره‌كه‌ى ته‌واو ده‌كات و دوایى بیكات.
به‌رێز/ م.شاخه‌وان جه‌واد وه‌لاَمى داوه‌ته‌وه ژ.م 07701056158
٢١٨٩
٦٧٩٩١٩