هه‌ندێك جار كه به‌كه‌سێك ده‌ڵێم ئه‌و كاره له دین بكه‌ى سوونه‌ته, ئه‌ویش ده‌ڵێت سوونه‌ته خۆ فه‌رز نییه كه‌واته نا یكه‌م ! چ رِوون كردنه‌وه‌كتان بۆیان هه‌یه ؟
هه‌ندێك جار كه به‌كه‌سێك ده‌ڵێم ئه‌و كاره له دین بكه‌ى سوونه‌ته, ئه‌ویش ده‌ڵێت سوونه‌ته خۆ فه‌رز نییه كه‌واته نا یكه‌م ! چ رِوون كردنه‌وه‌كتان بۆیان هه‌یه ؟ وچه‌ند جۆر سوونه‌تمان هه‌یه ؟ ( مه‌به‌ستم ئه‌وه‌یه كه ئه‌و جۆره سوونه‌ته كه ده‌بێت بكرێت یان ئه‌و جۆره‌ى كه نه‌كریتیش ئاساییه.
سوننه‌ت هه‌یه كردنى واجب و فه‌رزه، وه هه‌یه كردنى سوننه‌ت و موسته‌حه‌ببه، وه سوننه‌ت رِونكه‌ره‌وه‌و رِاڤه‌ى قورئانه هه‌موو شتێك له قورئاندا به درێژى باس نه‌كراوه به‌ڵكو سوننه‌ت درێژه‌ى پێده‌دات و رِونى ده‌كاته‌وه.
بۆ نمونه/ خواى گه‌وره ده‌فه‌رموێت: [أقیموا الصلاة واتوا الزكاة] واته نوێژ بكه‌ن و زه‌كات بده‌ن، سوننه‌ت رِونى ده‌كاته‌وه كه نوێژه‌كان چه‌ند رِكاته وه له كه‌یدا ده‌كرێت وه چۆن ده‌كرێت وه مه‌رج و رِوكن و واجب و سوننه‌ته‌كانى چین، وه به چى به‌تاڵ ده‌بێته‌وه وه نوێژه سوننه‌ته‌كان چه‌ندن و چۆنن. نوێژى جه‌ژن و باران و جه‌نازه‌و خۆرگیران و مانگ گیران و ئیستیخاره چۆن ده‌كرێت وه چه‌نده‌ها شتى تر په‌یوه‌ست به نوێژ هه‌مووى له سوننه‌تدا رِونكراوه‌ته‌وه، جا ئه‌گه‌ر كه‌سێك ئیش به سوننه‌ت نه‌كات ناتوانێت دیندارى و خواپه‌رستى بكات و په‌رستنه‌كانى هه‌موو به‌تاڵ ده‌بێت ئه‌گه‌ر ته‌نها له قورئان وه‌رى بگرێت. پێغه‌مبه‌ر (صلى الله علیه وسلم) ده‌فه‌رموێت: (خلّفت فیكم شیئین لن تضلوا بعدهما: كتاب الله وسنتی، ولن یتفرقا حتى یردا علی الحوض) صحیح الجامع (3232).
به‌رِێز/ م. صلاح الدین عبدالكریم وه‌لاَمى داوه‌ته‌وه ز.م 07701207979
٢٧١٥
٦٩٤٣٢٤