بانگه‌وازكردن بۆ دینى خوا پیشه‌ى سه‌رجه‌م پێغه‌مبه‌ران بووه‌ (علیهم الصلاة‌ والسلام) وه‌ ئه‌ركى هه‌موو موسڵمانێكى شوێن كه‌وته‌ى پێغه‌مبه‌رانه‌ (علیهم الصلاة‌ والسلام) و هیچ پێغه‌مبه‌رێك نه‌هاتووه‌ خه‌ڵكى له‌ چاوه‌رِوانى و پێشوازیدا بن به‌ڵكو به‌سه‌ختترین شێواز دژایه‌تى كراون و ئازار دراون وه‌ به‌درۆ زانراون وه‌ هه‌وڵى كوشتنیان دراوه‌ به‌ڵكو هه‌ندێكیان كوژراون وه‌كو ( یحیى و زه‌كه‌ریا )(علیها الصلاة‌ والسلام) كه‌ جوله‌كه‌ ده‌ستى بالاَى هه‌بووه‌ له‌ كوشتنیاندا قال تعالى (ويقتلون النبين بغيرالحق) البقره‌: ٦١ .
وه‌ سوننه‌تى خواى گه‌وره‌ش وابووه‌ كه‌ پێغه‌مبه‌ران دوژمنى سه‌ركه‌ش و سه‌رسه‌ختیان هه‌بێت .قال تعالى ( وكذلك جعلنا لكل نبى عدوا من المجرمين)الفرقان: ٣١.
وه‌ سه‌ره‌تایش كه‌ پێغه‌مبه‌ر [ صلى الله عليه وسلم ] سروشتى بۆ دابه‌زى و چوو بۆ لاى (ورقه‌ بن نوفل) پێى فه‌رموو : خۆزگه‌ ئه‌و كاته‌ى كه‌ نه‌ته‌وه‌كه‌ت ده‌رت ده‌كه‌ن زیندوو بوومایه‌ و به‌توانا بوومایه‌ تا سه‌رتم بخستایه‌ . پێغه‌مبه‌ر [ صلى الله عليه وسلم ] پێى سه‌یر بوو فه‌رمووى (او مخرجی هم ؟) ئایا ئه‌وان ده‌رم ده‌كه‌ن ؟ وه‌ره‌قه‌ى كورِى نه‌وفه‌ل فه‌رمووى : (نعم لم یات رجل قط بمثل ماجئت به الا عودي) واته‌ : به‌ڵى هیچ پیاوێك هاوشێوه‌ى ئه‌م شته‌ى تۆى (دینه‌ى)نه‌هێناوه‌ ئیلا دژایه‌تى كراوه‌ . (متفق علیه‌ وه‌ برِوانه‌ مشكاه‌ المصابیح رقم 5841 ) .
جا برایانى به‌رِێزم ئێوه‌ش شتێكى ئاسایى بێت له‌لاتان كه‌ دژایه‌تى ده‌كرێن به‌ڵكو زیاتریش وه‌ پێویسته‌ دانا و كاربه‌جى بن وه‌ نه‌رم و نیان له‌ بانگه‌وازكردنتاندا وه‌ به‌رِه‌حم و سۆز بن وه‌ په‌له‌نه‌كه‌ن وه‌ ئارامگربن وه‌ به‌رده‌وام بن ,دڵنیا بن كه‌س نه‌یتوانیوه‌ و ناتوانن رِێگرى و به‌ربه‌ستى بكه‌ن , پشت به‌خواى گه‌وره‌ ببه‌ستن و به‌گوێره‌ى تواناى خۆتان هه‌وڵ بده‌ن و به‌رده‌وام بن ئه‌جر و پاداشتتان لاى خواى گه‌وره‌یه‌ انشاءلله .
وه‌ ئه‌گه‌ر شكاتتان لێكراو بانگكران ئه‌وا دینى خوا رِوون بكه‌نه‌وه‌ و بیسه‌لمێنن كه‌ ئێوه‌ حیزبایه‌تى ناكه‌ن و توندرِه‌و و تیرۆرست نین و ئامانجێكى سیاسیان نییه‌ و ته‌نها دینى خواى گه‌وره‌ ده‌گه‌یه‌نن , خواى گه‌وره‌ هه‌موو لایه‌ك دامه‌زراو و سه‌ركه‌وتووبكات . امین .
به‌رِێز مامۆستا صلاح الدین عبدالكريم وه‌لاَمى ئه‌م پرسیاره‌ى داوه‌ته‌وه‌ .
ژ.م. 07701207979