السلام علیكم من كه‌سێكى وه‌رزشیم ماوه‌یه‌ك ده‌رمانی یاریم به‌كارهێنا، وه ئێستا تووشی حه‌ساسیه‌ت بووم له‌شم سور ئه‌بێته‌وه‌و........
السلام علیكم
من كه‌سێكى وه‌رزشیم ماوه‌یه‌ك ده‌رمانی یاریم به‌كارهێنا، وه ئێستا تووشی حه‌ساسیه‌ت بووم له‌شم سور ئه‌بێته‌وه‌و ئه‌بێته بلقء دوای چه‌ند كاتژمێرێك نامێنێت جا ئه‌و شوێنه ئه‌خورێت براكانم تكایه به ئیزنی خوا چاره‌سه‌ر چییه به‌س ئێستا ئه‌و ده‌رمانه ناخۆم ئه‌و ده‌رمانه‌ش ماده‌ی پروتینین؟
الحمدلله والصلاهة والسلام على رسول الله(صلى الله علیه وسلم)، وبعد:
- علیك السلام به‌رِێزه‌كه‌م:-
پێشه‌كى ئامۆژگاریه‌ك بۆ سه‌رجه‌م ئه‌و به‌رِێزانه‌ى كه خوازیارن له‌شێكى جوان ودروست ووه‌رزشیان هه‌بێت با دوور بكه‌ونه‌وه له به‌كارهێنانى ده‌رمانى ووزه به‌خش بۆئه‌ومه‌به‌سته،چونكه ده‌بێت ئه‌وه باش بزانن به‌كارهێنانى ئه‌وده‌رمانانه چه‌ندىَ ووزه‌ت پێ ده‌به‌خشێ ئه‌وه‌نده‌ش زیان له جه‌سته‌ولاشه‌ت ده‌دات له‌داهاتوودا، بۆیه له‌رِووانگه‌ى شه‌رعیشه‌وه به‌كارهێنانى هه‌رشتێك كه زیانباربێت بۆمرۆڤ ئه‌وه نادروست وناشه‌رعییه ،چونكه پێغه‌مبه‌رى خوا (صلى الله عليه وسلم)له‌فه‌رمووده‌یه‌كى دروستدا ده‌فه‌رموێت:( لاضرر ولا ضرار).واتا(نه‌زیانت بۆخۆت هه‌بێت نه‌بۆخه‌ڵكیش)..به‌داخه‌وه له‌م رِۆژگاره‌دا لاوێكى زۆرمان هه‌یه كه زیانیان به‌خۆ گه‌یاندوه به ناوی وه‌رزشه‌وه چه‌نده‌ها ده‌رمانى زیانبه‌خشیان به‌كارهێناوه، من ده‌پرسم: ئه‌گه‌ر مادده‌ى ووزه به‌خش سوودبه‌خش و ته‌ندرووستیه بۆچى هه‌ر یاریزانێكى نێو ده‌وڵه‌تى ئه‌گه‌ربه‌كارى بهێنىَ سزا ده‌درىَ و بگره له‌وانه‌یه له هه‌موو شتێكى یاسایى مه‌حرومى بكرێت؟
سه‌باره‌ت به داخوازییه‌كه‌ى جه‌نابیشت ئێمه ئامۆژگاریت ده‌كه‌ین كه بچیت بۆلای پزیشكێكى متمانه پێكراو تاپشكنینى پزیشكیت بۆبكات وبۆئه‌ونه‌خۆشییه‌ت چاره‌سه‌رێكى گونجاوت بۆبدۆزێته‌وه..چونكه پرسیاره‌كه‌ت زیاتر پێویستى به‌وه‌لاَمى پزیشكى هه‌یه ....به‌ویستى خوا خواى گه‌وره شیفاى خێروباشبوونت بۆده‌نێرێت ورِزگارت ده‌كات له‌و نه‌خۆشییه، ئێمه‌ش دووعاى خێرت بۆ ده‌كه‌ین خوازیارین خودا شیفات بۆ بنێرێت.
به‌رێز/ م.كامران خالید وه‌لاَمى ئه‌م په‌یامه‌ى داوه‌ته‌وه..ژ.م. 07701495535
٩٥٠
٦٧٨٦٨٠