به‌ڵێ حه‌رامه‌، به‌تایبه‌تى ئه‌گه‌ر كور وێنه‌ى كچ هه‌ڵبگرێت یان به‌ پێچه‌وانه‌وه‌ كچ وێنه‌ى كور هه‌ڵبگرێت ، وه‌ ته‌ماشاكردنیشى تاوانێكى تره‌و تێروانینى حه‌رامه‌وخوا قه‌ده‌غه‌ى كردووه‌ له‌ قورئانى پیرۆزدا كه‌ ده‌فه‌رموێت ( قل للمؤمنین یغضوا من أبصارهم ویحفظوا فروجهم ذلك أزكى لهم إن الله خبیر بما یصنعون ، وقل للمؤمنات یغضضن من أبصارهن ویحفظن فروجهن.....) النور/٣١.
واتا( ئه‌ى محمد (صلى الله علیه‌وسلم) به‌باوه‌رِدارانى پیاو بڵێ با چاویان بپارێزن له‌ته‌ماشاكردنى ئافره‌تانى نامه‌حره‌م وه‌ داوێنى خۆیان بپارێزن چونكه‌ ئه‌مه‌ بۆیان چاكترو پاكتره‌، وه‌ بێگومان خواى گه‌وره‌ زانایه‌ به‌وه‌ى كه‌ ئێوه‌ ده‌یكه‌ن.هه‌روه‌ها به‌ئافره‌تانى باوه‌ردار بڵێ با چاوى خۆیان بپارێزن له‌ته‌ماشاكردنى پیاوانى نامه‌حره‌م وداوێنى خۆیان بپارێزن...) هه‌روه‌ها بوونى وێنه‌ى روح له‌به‌ر ده‌بێته‌ هۆى ئه‌وه‌ى كه‌ فریشته‌ى ره‌حمه‌ت نه‌یاته‌ ئه‌و ماڵه‌ ، پێغه‌مبه‌ر(صلى الله علیه‌ وسلم) ده‌فه‌رموێت (إن الملائكة‌ لا تدخل بیتاً فیه كلب ولا صورة‌). واتا (فریشته‌ى رِه‌حمه‌ت ناچێته‌ ماڵێكه‌وه‌ كه‌ سه‌گ و وێنه‌ى روحله‌به‌رى تێدا بێت).
به‌رِێز/ م.صلاح الدین عبدالكریم وه‌لامى داوه‌ته‌وه‌ ژ.م ٠٧٧٠١٢٠٧٩٧٩