ئایا كرِینى ئه‌و سه‌یاره علوجانه‌ى كه رِه‌قه‌مى سلێمانى پێ دراوه
ئایا كرِینى ئه‌و سه‌یاره علوجانه‌ى كه رِه‌قه‌مى سلێمانى پێ دراوه واته (ئێستا ره‌قه‌م سلێمانی یه به‌رِه‌سمى) , ئایا كرِینى حه‌رامه بۆماڵ بیكرى وه‌كو ( باترۆڵ وئه‌ڤه‌لۆن و سه‌نى)...خوا جه‌زاى خیرتان بداته‌وه.
و/ الحمد لله والصلاة والسلام على رسول الله صلى الله علیه وسلم
برا به‌رِێزه‌كه‌م مه‌سه‌له‌یه‌ك هه‌یه زۆر گرنگه كه بیزانین سه‌باره‌ت به‌ئه‌و سه‌یارانه، ئه‌ویش ئه‌وه‌یه: ئایه حكومه‌تى هه‌رێم ئه‌و رِه‌قه‌مانه‌ى كه داوه به‌و سه‌یارانه وه‌كو (تملیك) كردن داوێتى، یاخود وه‌ك (تعریف) كردن داوێتى؟ ئه‌گه‌ر وه‌ك ته‌ملیك كردن بێت ئه‌وه گومانى تێدانیه وه‌ك ئه‌وه وایه حوكمه‌ت خۆى به‌خشیبێتى ئه‌وكات مادام حوكمه‌ت شه‌رعیه‌تى هه‌یه، ئه‌و ره‌قه‌مانه‌ش شه‌رعیه‌تى ده‌بێت، به‌لاَم ئه‌و رِه‌قه‌مانه ته‌نها بۆ ناسین بێت واته درابێت به‌و سه‌یارانه‌و تۆمار كرابێت له‌سه‌ر كه‌سانێك له‌رِووى ئه‌منیه‌وه تاوه‌كو كارى تیرۆریستانه‌ى پێوه نه‌كرێت، ئه‌وه گومانى تیانیه به‌ڵگه‌یه له‌سه‌ر ئه‌وه‌ى حوكمه‌ت ئیعترافی به شه‌رعیه‌تى ئه‌و سه‌یارانه نه‌كردوه، وه ئه‌وه‌ى دیاره بۆ ته‌عریفه چونكه تاكو ئێستا حكومه‌تى مه‌ركه‌زى له به‌غدا داواى ئه‌و سه‌یارانه ده‌كاته‌وه وه ئه‌مه‌ش كێشه‌یه‌كى هه‌ڵبه‌ستراوه له نێوان هه‌رێم و مه‌ركه‌زه‌وه، جا من داوا ده‌كه‌م له به‌رِێزتان و سه‌رجه‌م ئه‌و خۆشه‌ویستانه‌ى پابه‌ند بوونیان هه‌یه به ئایینى پیرۆزى ئیسلامه‌وه خۆیان له كرِینء فرۆشتنى ئه‌و سه‌یارانه بپارێزن، والله سبحانه وتعالى اعلم .
به‌رِێز/ م.كامه‌ران خالید وه‌لاَمى ئه‌م پرسیاره‌ى داوه‌ته‌وه .. ژ.م . 07701495535
١٢
٦٧٠٣٥٩