ئه‌نجامدانى دوو ركات نوێژ پێش نوێژى به‌یانى ئه‌جروپاداشتێكى زۆرى هه‌یه‌و پێشه‌واى خۆشه‌ویستمان(صلى الله علیه‌وسلم) له‌ژیانى خۆیدا زۆرپارێزگارى لىَ ده‌كرد هه‌روه‌ك دایكمان عائیشه‌ (خوا لىَى رِازى بێت )بۆمان ده‌گێرِێته‌وه‌و ده‌فه‌رموێت (كان رسول الله (صلى الله علیه وسلم)یێلی ركعتین خفیفتین بین الاذان والإقامه‌ من صلاة‌ الصبح) متفق علیه ..واتا(پێغه‌مبه‌رى خوا (صلى الله علیه‌وسلم) دوورِكات نوێژى سوكه‌ڵه‌ى ده‌كرد (به‌په‌له‌)ى ده‌كرد له‌نێوان بانگ ونوێژى به‌یانى ) وه‌ هیچ كات فه‌رامۆشى نه‌ده‌كرد ته‌نانه‌ت ئه‌گه‌ر له‌سه‌فه‌ریشدا بوایه‌..هه‌تاوه‌كو له‌فه‌رموده‌یه‌كدا ده‌فه‌رموێت (ئه‌نجامدانى ئه‌م دوورِكاته‌ خێرتره‌ له‌دونیاوئه‌وه‌شى كه‌تێیدایه‌) رواه مسلم،صحیح الترغیب والترهیب (1/309)،هه‌روه‌ها پێغه‌مبه‌رى خوا(صلى الله علیه‌وسلم)هیچ نوێژێكى سوونه‌تى به‌ئه‌نداژه‌ى ئه‌م دوورِكاته‌ پارێزگارى نه‌ده‌كردوبه‌رده‌وام نه‌ده‌بوو له‌سه‌ركردنى،هه‌روه‌ك ئیمام موسلیم به‌ژماره‌(1/501)وه‌ ئیمام بوخارى به‌ ژماره‌ (3/45) له‌صه‌حیحه‌كانیاندا باسیان كردووه‌ ..هه‌روه‌ها سونه‌تیشه‌ له‌ رِكاتى یه‌كه‌میدا سوره‌تى (الكافرون)وه‌له‌رِكاتى دووه‌مدا (الاخلاص) بخوێندرێت هه‌روه‌ك ئیمان موسلیم له‌صه‌حیحه‌كه‌یدا باسى كردووه‌ به‌ژماره‌ (1/502).. وه‌سونه‌تیشه‌ دواى ئه‌نجامدانى سونه‌تى پێش نوێژ به‌لاى رِاستدا تۆزێك رِابكێشێت ..هه‌روه‌ك ئیمام بوخارى باسى كردووه‌ كه‌ (كان النبی (صلى الله علیه‌وسلم)إذاصلى ركعتی الفجر إضطجع على شقه الایمن) رواه البخاری (4/226)..واتا (پێغه‌مبه‌رى خوا (صلى الله علیه‌وسلم) كاتێك دوو رِكات نوێژى پێش نوێژى به‌یانى ده‌كرد به‌لاى رِاستیدا رِاده‌كشا ) .... به‌لاَم له‌حاڵه‌تێكدا ئه‌گه‌ر ئه‌م دوو رِكاته‌ت له‌ده‌ست چوو له‌كاتى خۆیدا ئه‌نجامى بده‌یت ،واتا (پێش نوێژ به‌یانى) یان نه‌گه‌نجا ئه‌نجامى بده‌یت ئه‌وه‌ ده‌توانیت دواى نوێژ به‌یانى رِاسته‌وخۆ ئه‌نجامى بده‌یت انشاءالله هه‌مان ئه‌جروپاداشتت بۆده‌نوسرێت ..عن قیس بن عمرڕنه خرج إلى الێبح فوجدالنبی (صلى الله علیه‌ وسلم)فی الصبح ولم یكن ركع ركعتی الفجرفصلى مع النبی ثم قام حین فرغ من الصبح فركع ركعتی الفجر، فمربه النبی فقال : ماهذه الصلاه‌ فاخبره ،فسكت النبی ولم یقل شیئاَ ) رواه احمد وابن خزیمه‌ وابن حبان واصحاب السنن إلا النسائی...واتا (رِۆشتم بۆنوێژى به‌یانى بینیم پێغه‌مبه‌رى خوا (صلى الله علیه‌وسلم) خه‌ریكى ئه‌نجامدانى نوێژى به‌یانییه‌ ،له‌گه‌ڵیاندا نوێژم كرد، بێ ئه‌وه‌ى دووركاته‌ نوێژه‌كه‌ى پێش نوێژى به‌یانى بكه‌م ، دواى ته‌واوبوونى نوێژى به‌یانى هه‌ستام دوورِكاته‌ نوێژه‌كه‌م گێرِایه‌وه‌ ،پێغه‌مبه‌رى خوا (صلى الله علیه‌وسلم) رِۆشت به‌لامدا لێى پرسیم ئه‌م نوێژه‌ چى نوێژێكه‌ ده‌یكه‌یت ؟ پێم فه‌رموو دوو رِكاته‌كه‌ى پێش نوێژ به‌یانییه‌ ، پێغه‌مبه‌رى خوا(صلى الله علیه‌وسلم) بێده‌نگ بوو هیچ شتێكى ده‌رباره‌ى ئه‌وكاره‌م نه‌وت)...ئه‌م فه‌رمووده‌یه‌ به‌ڵگه‌یه‌ له‌سه‌رئه‌وه‌ى دروسته‌ ئه‌ودوورِكاته‌ له‌دواى نوێژ بكه‌یته‌وه‌ ئه‌گه‌ر له‌ده‌ستت چوو..
به‌رێز/ سه‌رپه‌رشتیارى ماڵپه‌رِ وه‌لاَمى داوه‌ته‌وه‌..